今日太無聊... 發現左隻無聊game... 我竟然係咁send msg 我d 朋友叫佢地click 入去添~

真係太無聊啦~ 不過因為咁, 同返一d 好耐無見過的人傾計^^

http://babakelia.myminicity.com/

雖然好無聊, 我唔會放棄, 我一定會升級到起城堡架!! 哇哈哈~

四川大地震. 朝早起身睇左兩眼就出門口無乜留意... 食飯個陣收到個msg原來我個朋友困左係四川, shxt, 呆左. 地震個陣佢搭緊車, 地震引發起山泥傾瀉活埋左佢前面架車, 佢係公路上訓左一晚, 第二日徒步行左四個鐘先有人救援. Shxt. 明明前幾日先同佢傾過電話...

**整日的感覺怪怪的... 每當想起"如果舊石跌中左..." 專心不了. **

同班同事farewell... 很開心即日約班同事farewell, 佢地竟然有成十幾個出席. 完全出乎意料. 但真係笑死我, 我一路開counter, 一路周圍走問~ 經理可能知我就走都扮睇唔到... 掛住約人搞到差少少short 數... 好彩無事~ 我仲帶左支係歐洲旅行買的紅酒去, 過了一晚開心的晚上.

**由知道到走不過一個星期時間... 轉新環境是好事嗎? 無論如何, 我下星期到旺角總行返工lu~ **

前幾日同Jer Jer 食飯, 傾返起以前setting 的事. 諗返起setting camp... 係度玩"我愛你, 唔知醜", "強姦犯"... 回想以前我總是木口木面, 唔多出聲的自己... 突然間感覺到自己又變了...

前排約左阿昶食飯, 佢plan 住去歐洲. 轉眼自己去歐洲已經係一年的事情...

好期待聽日去食海鮮~ 咁大個仔都未入過去布袋澳食^^ 霍志明快d firm 時間地點啦... 等緊你約架~~ wahahahahah

前幾日有條友打黎分行投訴我, 我supervisor 問我呢幾日有冇得罪人... 諗極諗唔起... 之後manager 同我傾, 原來係成個月之前... 洗唔洗記住我個small potato 成個月呀... 呆左... 世界上乜人都有...

好彩最後都擺平左, 不過搞到成八點鐘先走 = =|||

夏天就快到啦~~ 我要去沙灘呀!! Yeah~

曾經有人講過"沒有人見過風, 但當羽毛被風吹起時, 人便會知道風的存在. 你感受到祂的存在嗎?" 繼天作之合之後, 第二次睇福音使團的電影--真的戀受了. 劇情同鏡頭都好過好多港產片囉... 港產片真係要好好檢討下

呢幾日返工真係好辛苦, 今日無那那俾個客插左成個鐘... 佢條credit card 數我都唔知點計架ma, 煩左我個鐘, 追問我成個鐘... 第一次遇到個客咄咄迫人... 唉, 唯有講句... 經一事長一智啦~ 有時客人唔會因為等你成個鐘而罵你, 反而希望你能夠耐心解答佢的疑難.

今日又有客拎旅遊支票黎兌換, 原來好簡單的事, 臨尾竟然拖左佢成大半個鐘. 但個客一句都無話過我. 當我最後拎返本護照俾佢, 佢才輕輕問我原因. 這種客人的胸襟... 有時真係自愧不如...

不知道自己的將來會變成怎樣, 但這些經歷我將會畢生受用.

很快便要離開開心的三月...

放左anual leave... 復活節... dayoff... 計計下三月返左唔夠半個月. 有的時候, 得閒到係屋企唔知做咩好... 買左幾本書睇 = =

陪阿媽去昂坪360... 去藝術館睇香港展覽... 去電影節... 去花展... 去睇戲... 去玩... 唉, 好眼訓.

終於明白點解同霍志明咁friend... 雖然佢真係好人渣, 但有d 野真係只有佢先了解我. 莫非真係物以類聚!? >O<

人工加幅20幾個%, bonus, 八折供匯豐... 哇... 如果我每年供一手, 就算係hsbc 做teller 做成世, 我下半生都會無憂, 佢每年派息真係多得驚人...